كيف تسوين حمام مغربي ناجح؟

كيف تسوين "حمام مغربي" ناجح؟كيف تسوين "حمام مغربي" ناجح؟ 🛁
‏فيه ملايين الطرق وملايين الخلطات للحمام المغربي من ملايين الاشخاص وفيه كثير بنات رغم هذا ما يضبط معهم ، بذكر لكم الاسباب
ايش الاغراض الأساسية؟
‏صابون مغربي / ليفة مغربية/كريم مرطب
‏غير هذي الاشياء تعتبر اجتهاد واضافات لأن الحكمة بطريقة الفرك
‏ايش الاغراض الأقل أهمية؟
‏غاسول "الطين المغربي" / مقشر الجسم/ الصابونية/ سنفرة كاب.
‏ايش الاغراض اللي اضافتها مجرد رفاهية؟
‏ورد/ زيوت عطرية/ ملونات/روائح..
هل لازم يكون عندنا سونا او بانيو؟
‏لا طبعًا، المهم ماء حار ينتج لنا بخار وما فيه منافذ مفتوحة لأن بخار كثيف=حمام مغربي ناجح
‏وش خطوات الحمام ؟
‏1- نتروش بماء اقرب للساخن ونغسل الجسم بأي نوع صابون خالي من الزيت ونجلس 3 دقائق تحت الماء عشان نفتح المسام
‏2- نخلي الماء الحار مفتوح ونبعد
ونمد الصابون المغربي على كامل الجسم ونجلس لمدة 3-6 دقايق -دخلوا معكم كرسي بلاستيك-
‏3- نغسل جسمنا من الصابون بموية حارة لين نتأكد ان الصابون كله انغسل ..
‏4- نخلي المويا الحارة مفتوحة ونبعد شوي..
‏5- ناخذ المنشفة ونطبطب على الجسم طبطبة بسيطة عشان نسحب الماء الزائد
المهم انه ما يكون ناشف مره ولا يكون رطب مره (وهذي خطوة مهمة جدًا جدًا) نبي الجسم فيه نداوة.
‏6- ناخذ الليفة وضروري جدًا ان الليفة تكون ناشفة تمامًا ما فيها ولا نقطة ماء
‏لأن الفكرة هي ان احتكاك أداة ناشفة بجلد نديّ يكون سهل جدًا انه يطلع الجلد الميت..
‏7- نبدأ نفرك بالليفة المغربية من اسفل لأعلى وطريقة الفرك الصحيحة هي اللي راح تفرق معكم وهي اللي تخلي الحمام ناجح او فاشل
‏الطريقة الصحيحة للفرك واللي تعبت لين عرفت سرّها
‏هي ان الفرك يكون بطريقة الضغط يعني تضغطون على الجلد وتسحبون ببطء وخفة -بإتجاه واحد اما لإعلى او لأسفل-
استهدفوا الأماكن اللي فيها ثنيات لأن العرق يتجمع فيها فيسوي طبقة اوساخ، "الرقبة والمفاصل والمنطقة الحساسة خليكم لطفاء معها بالليفة لا تفركون بقوة" الوجه ممنوع من الفرك.
‏راح تظهر لكم مع الفرك فتايل من الوسخ وراح تنصدمون من كمية الجلد الميت اللي مخبيها جلدكم ! مهما كنتم تتروشون يوميًا
8- بعد الفرك سكروا البخار وتروشوا بماء بارد عشان تقفلون المسام "خطوة مهمة"
‏بعدها تقدرون تحطون مقشر لطيف او ماسك للجسم اللي تحبونه المهم اذا جففتوا اجسامكم رطبوا بكريم ثقيل وانا ارشّح فازلين بزبدة الكاكاو على كامل الجسم ما عدا الوجه ، والاقدام حطوا عليها جل جونسون
كذا تكونون طبقتوا حمام ناجح
‏كرروه مره شهريًا أو مرتين بالشهر
‏المهم خليكم لطفاء مع جلدكم 🤍
‏وش الاشياء اللي تخلي الحمام المغربي يفشل؟
‏- الماء الدافئ بدلًا من الماء الحار
‏- الجسم اثناء الفرك يكون فيه بقايا زيت او كريم
‏- الفرك يكون بالسحب بدلًا من الضغط!
الفرك والجسم فيه صابون
‏- الاستعجال بغسل الصابون المغربي
‏- عدم الضغط بالليفة على الجلد كفاية
‏- الجلد ما يكون اخذ وقته تحت الماء الحار
‏- الليفة تكون مبللة
‏- او الجسم يكون مبلل جدًا او جاف جدًا
‏- الليفة او الصابون يكون مو اصلي
كيف نعرف الليفة الأصلية؟
‏تكون الليفة خشنة نوعًا ما وفيها حبيبات صغيرة جدًا بارزة شوي.
‏مين ما يصلح يسوي الحمام ؟
‏الحوامل/ مرضى الضغط والسكر/ وأي احد فيه مرض معين يستشير طبيبه لأن البخار مو كل الأجسام تتحمله.
‏وبرضو اشربوا ماء كثير بعد وقبل الحمام المغربي تفاديًا لأية مشاكل
بالنهاية خذوا بقية اليوم راحة ولا تسوون نشاط جسدي لأن اجسامكم بتكون مُجهدة ، اتمنى لكم حمام مغربي لطيف خفيف وبشرات رائعة ✨🛁







المصدر: منتديات احساس ناي - من قسم: › ~•₪•♣ لأننيَ : أنثىَ نقية!₪•<hr size="1" style="color:#D1D1E1; background-color:#D1D1E1" />

;dt js,dk "plhl lyvfd" kh[p?

....الموضوع الأصلي